مولد سيدى التحرير

 ((( مولد سيدى التحرير )))

فى مولد سيدى التحرير 

حاجات كتير 

حمص وحلاوة  

ومرجيحة ومدفع وغزية

وبليتشو وساحر  ونيشان

وجعــــــــــــــان

والـ بيهتف للشهيد  

والـ غاضب  و الـ ثائر

والــ  خاين  والـ  بيردد ومش فاهم

والـ عايز  يقيل وزير

والـ بيسقط فى المشير

والـ بينـادى جعان

والـ ع الأخر تعبان

والـ عايز حرية وعدالة

والـ مش هيدفع فلوس الزبالة

والـ عايز أنبوبة فى عجالة 

ويقطع المعاهدة مع السكارى 

والـ فى العســـكر بيضرب

والـ فى المنشئات بيحرق

والـ مش قادر يفرق

والـ عايز قصاص بعدالة

أنها  ليست ثورتنا  

بل ثورة حتى الثمالة 

يقودها أطفال الحجارة 

والسكـــــــارى

والحركات والأتلافات 

وأبريل وكفاية 

كلها كالراقصات  على رحايا 

تتلوى لتنال أعجاب الضحايا

تسقيهم من خمر 

الكلمات والشعارات والهتافات

تقودهم حتى الممات 

والــ  مات  فات 

هدر عمرة فتات

شوية حلم على أمنيات

مستحييييل تتحقق 

طول ما الجام 

فـ أيد الــ فات

أما  البنات

الـ داخلة فى الميدان

ليها رسالة

والـ بدور علـ اليتيم

حق الكفالة 

والـ عايزة حق الشهيد 

الـ أدفن ومات معاه

أصل الرسالة

والـ داخلة فى الميدان

ملفوفة فى عباية

( أو ملايا )

ولـ  لفا  شعرها لفة هدايا

مع شوية دعايا وزواية 

تبقى دى أصل الحكاية 

مــ البداية للنهايه

الميدان مش مرايا

تعكسو فيها الزوايا

الميدان للمحارب

للفــوارس

والــ ينزل فى الميدان 

فارس لفارس

مش يخطط للكوارث 

مش يولع فى المتاحف 

والتراث والجوامع والكنائس 

ولما يرجع تانى يائس

فـ الميدان الكل جاهز

والمولد الـ أصلا صاحبة غايب

مستنى  شهر مارس؟؟؟

                                                       تحياتى للجميع / علاء المصرى